香港已經進入緊急狀態，抗爭之路如何走下去？
我建議：
1）意識全面升級，唔好再妄想可以喺現時制度內作改革，唔好再以為可以逼政府「回應訴求」，唔好仲迷信法治可以作最後防線，香港人必須意識到冇主權就冇自由冇民主冇法治，連最基本嘅人權都會失去
2）以遍地開花形式抗爭：舉行多區集會或突發性活動，分散警力，同時加強社區凝聚力
保持流動性，勿作陣地戰
3）非戰鬥人員可進行主題清晰、低成本而高宣傳效果嘅活動（例如波羅的海人鏈，請大家盡量發揮創意），活動解散時要迅速離開
4）戰鬥人員盡量以小隊形式突襲，並加強組織，部署充足先行動
5）提高危機意識，落場就唔好hea下hea下，換裝要徹底，返屋企要反跟蹤，講嘢要小心，通訊及網絡安全措施要做足
6）繼續做好本地及國際文宣，本地文宣減少強調「受害者」姿態或「同情」學生、年青人，要宣揚中共之邪惡以及抗爭之正義，呼籲各階層各年齡民眾加入抗爭。除咗宣傳之外，都要加強教育，提升民智（好多人只係有反政府嘅立場，但對好多政治concept仲係柒懵懵）
7）日常生活中都要堅持抗爭，杯葛中資，抗拒赤化，對中共/支那文化各方面嘅滲透都要提高警覺，捍衛本地文化
8）精進自身，善用時間，強身健體，睇多啲書，識多啲人，並保持身心健康
「黎明前嘅黑暗係至撚黑暗」，我唔敢講最後我哋一定會贏，但堅持對抗邪惡，人生先會過得無悔
呢場革命唔會咁快完，大家要互相支持，努力撐落去
Search